من اورک سندن صورا بیر اوزگه یاره وئرمرم
قلبیمی من آیری یاره اولسا چاره وئرمرم
وار جمالونده گوزلّیک آیه سی ای سئوگولیم
سن کیمی ایستکلینی مین گول عُذاره وئرمرم

________________________________________________________________

سن اغلاسان گولوم منسیز…اینان منده گولمم سنسیز…گولک بیرلیک اولاخ غمسیز…نه سن منسیز نه من سنسیز

________________________________________________________________

قوربان اولوم من او شیرین دیللره//اوزاخ دوشدوق حسرت اولدخ ایللره//سحراقشام یالوارارام یللره//منن سلام یتیرسینن سنین کیمی گولللره

________________________________________________________________

تاپیشیردیم گوزومـــه هــر گوزله باخمیاجــاخ
گوزومون یاشـــیدا بیــر آیری کسـه آخمیجاخ
گوزلورم ســن گلسن جانیمی قربان ائلیــیم
اومودوم وار او منی مفته سینه ساتمیــاجاخ

________________________________________________________________

گل گولوم رحم ائله سن قلبیمی هیجران یارالار
آیریلیق آتشینه یار بو کونول گونده یانار
عشقیمیز سالدی منی باخ نه یامان گونلره یار
اولموشام بیر دلی کی فیکری ائله سنده قالار
اوره ییم بیر تیکه دیر گول اوزونه نازلی نیگار
ائله سنسیزله میشم من کی گؤزومدن سئل آخار
بو کونول آیریلا بیلمز چون کی عشقینده یاشار
سن کی گئتدین گونو گوندن منه دونیا دارالار
هامیسین قوی کینارا بونلارین ای وارلی باهار
حسرتیندیر کی منیم اینجه جانیمدانجان آلار
نه اولار ای اولو تانری اولاسان معجزه کار
یوخ اولا غملی سبب کی یاری مندن آرالار

________________________________________________________________

عومور گئچیر من یوخودا قالمیشام
هامی گئدی، من دالییا قالمیـشام
یولوم ندیر، سوزوم ندیر بیلمیرم
من نه یازیق نه آوارا قالمیـــشام
مکتب کیتاب ندیر بوراخدیم من بیر یانا
سوزوم چوخدو یازا یازا قالمیشام
هره بیر ایش اوجو توتوب دونیادا
من ایشسیزم من هاوادا قالمیـــشام
صاباح اولسون دییرم هر گئجه من یاتاندا
بویون صاباح من صاباحا قالمیشام
اوغورلودو ایش دالیجا گئدنلر
سن گئتمی سن! کی بو حالا قالمیشام

________________________________________________________________

گینه سن نن دانیشدیم دولدی بوغملی گوزلریم
سسیمی اشیتمدین قالدی اورک ده سوزلریم
اله بیر سن نن سورا دونیادان ال اوزمه لی ا م
نجه سن سیز لیقه من حسرتیله دوزمه لی ام
منی پروانه تکین گونده دولاندر باشیوا
گورمویوم آغلیاسان !! قوربان اولوم گوز یاشیوا

________________________________________________________________

سن گوزللر گوزلیندن ده گوزل سن گوزلیم
بو گوزللیک ده ، آغیزلاردا مَثَل سن گوزلیم
بو آجی دونیادا سن تکجه شیرین بیر مزه سن
قوی کی من ساده دییم دادلی عسل سن گوزلیم

________________________________________________________________

منتظر قالدی گوزوم محفیله یاریم گله جک
بئله مدهوش ائلین مست و خماریم گله جک
نئچه گوندور کی گئجه صبحه قدر یاتمامیشام
گوزلریم یول لاری من نازلی نگاریم گله جک

________________________________________________________________

آیریلیق آتشینه یار بو کونول گونده یانار
عشقیمیز سالدی منی باخ نه یامان گونلره یار

________________________________________________________________

ســنه دیـوانه الــوپ داش یماغین لــــذتی وار
کوچه لر گوشه سینه یاتماغینین لـــــذتی وار
سحر آخشام یولووا گوز تیکیلیب سن گئلسن
سنین عشقین ده اولوب قالماغینین لذتی وار

________________________________________________________________

سنین گوزل لیینین مبتلاسی یام گوزلیم
او قارا گوزلرینین جان فداسی یام گوزلیم
بلالی عاشیقینم باخما غیریلر سوزونه
محبت عالمیینین بینواسی یام گوزلیم

________________________________________________________________

گوللریمیز سارالماسین سولماسین / اوره ک لره دردوکدر دولماسین / بوندان بئله آیریلیقا دوزمه رم / سن اولماسون ایکی دونیا اولماسین

________________________________________________________________

دوت الیمدن تا ایاقوندن ئوپوم ای خوش لقا
گوزلریم چوخ با وفادی آبشاره وئرمرم
حُسنوه واردورخیالیم جانیمی قربان ائدم
من ایاقون توپراقین هئچ بیرعیاره وئرمرم

_______________________________________________________________

چوخ گوزه للر.گوردوم .آختاردیم بوتون دونیانی من
تاپمادیم . عالمده اوز.کونلوم . سئون جانانی من
بی نوا پروانه لر تک .یئتمه دیم مقصود یمه
عشق سوداسیله .یاندیردیم .بو شیرین جانی من
نازنین آهو باخیشلی .چوخ پری لرگورمو شم
سئومه دیم.اوزسئوگیلیمدن باشقابیرجیرانی من

________________________________________________________________

دوشوب عشقین باشیما ، ای سنه قوربان گؤزلیم گول جمالیندی فقط ، دردیمه درمان گؤزلیم یوخو گلمیر گوزومه ، صوبحه قدر من اویاغام هارداسان ؟ آختاریرام من سنی حیران گؤزلیم

________________________________________________________________

ای پریشانلیغا عاشق اورگیم ” اوتلاناسان اوز ایاقینلا گلیب سالدیغین اوتدا یاناسان شوقه گلدین گینه زنجیره غمه باغلاناسان نئچه مدتدی غمیندن گئجه لر یاتمامیشام گل آز آغلات منی” من هئچ کیمی آغلاتمامیشام

________________________________________________________________

گینه قلبیم دارﯾﺧر – غملر الینن گینه یار کسوب – سوز لر الینن دها گلمیر نفسیم – بو یارین الینن امان امان بو سوزباز الینن

________________________________________________________________

مجنون کیمی کئشگه عشقیدن آزییدیم/فرهاد اولوب داغ داشلاری قازیدیم
عاشقیدیم قویمادیلار ناز چکم /نقاش اولوب دفتریمه ساز چکم

________________________________________________________________

کاش سورمه اولیدم چکیلیدم گؤزووه
گوزوون یاشی اولیدم سوزولِیدم اؤزووه
گِجنین نصفیدی یا رب یوخو گلمور گؤزومه
بونه عالمدی خدایا ؟ دیورم اؤز اؤزومه

________________________________________________________________

ای فلک یاخچی منی درده گرفتار الدون
وسط دایرده نقطه ی پرگار الدون
گوریم ای چرخ فلک نظم و نظامون پوزیلا
نیه پس تهجه منی درده گرفتار الدون

________________________________________________________________

سوگیه بیر تئاتر ددیلر هرکسه بیر رول وردیلر ان چتینین منه وردیلر سو سونرا اونوت ددیلر من رولومو اوینییامادیم سودیم اما اونوتامادیم.

________________________________________________________________

دئدیم:ای غنچه دهن، کونلومو قان ائله میسن،
دئدی :بیجا یئره عشقیمده فغان ائیله میسنِ
دئدیم:انصاف ائله ، اینجیتمه منی ، عاشقینم ،
دئدی: گئت ، سیرّیمی دنیایا عیان ائیلمه میسن
دئدیم: آغلاتما منی سرو بویون شؤقنده،
دئدی: گوز یاشی بیهوده روان ائیلمه میسن:
دئدیم: آخیر، گوزلیم، باخ وبهاریم سن سن،
دئدی: سن عؤمرونو حسرتله خزان ائیله میسن.
دئدیم: آز چکمه میشم گوزلرینین حسرتینی،
دئدی: اؤز کؤنلونو یئرسیز نیگران ائیله میسن.
دئدیم: عشقینده اسیرم، منه بس خئییری نه دیر؟
دئدی: اولده بو سودادا زیان ائیلمه میسن.
دئدیم: عشق آتشی نئیلر منه، قورغان دئیلم
دئدی: بیچاره، یانارسان، نه گمان ائیله میسن؟
دئدیم:ای گول، من ازلدن ده گوزل عاشیقییم،
دئدی: سن رحونوعشق ایله جاوام ائیله میسن.
دئدیم:هر گون سحر کویوندا دولانماقدیر ایشیم،
دئدی: واحد،نه گوزل یئرده مکان ائیله میسن.